صالح مواطن "صالح" أحب وطنه

رجع صالح متاخرا بالليل الى منزله وهو متعب جلس يتفرج النشرة الأخيرة في تلفزيون صاحب الصورة عله يسمع خبر مفرح عن وطنه بدا مقدم النشرة بالعناوين وهي كالتالي :

سيداتي سادتي السلام عليكم . أستقبل ........ مع الأسف الشديد الضوء انقطع وتعصب صالح وكعا بزاف حيت الضوء تقطع فالوقت د لأخبار لالا ميمكنش علاش الضوء غدي يتقطع فهد الساعة لأناا كنتفرج فيها الأخبار . سيبا فري قالها بلفرونسي مسكين ولكن صالح قال ضروري غدا غدي نمشي لمكتب د الكهرباء وغدي نستفسرهم على الأسباب دانقطاع الكهرباء بشكل مستمر نعس فديك الليلة بلا ميسمع النشرة لأخيرة .
ناض في الصباح صالح مشى يغسل وجهو باش غدي يمشي لمكتب دالكهرباء لكن مجبرشي الما ء .حتي هوا تقطع ومصيبة هدي مع هاد ناس .
خرج صالح من الدار وهو معصب التعصيب معمرو تعصبا مشى كيفتش على المكتب الوطني للكهرباء فتش فتش فتش والو ملقاهش سول الناس قالولوا أنه أصلا مكينش المكت هنايا . وخا نمشي نشف المكتب الوطني للماء الصالح للشرب ونسولم علاش كيتقطع الماء
بعد ان بحت عنه وجد المكتب خطى خطوتين الى الأمام ليدخل الى المكتب تم رجع خطوة الى الوراء فقرأ تلك الكتابة الموجودة فوق باب المكتب ليتاكد انه هو المكتب الدي يبحت عنه
فوجد هده العبارةالمكتب الوطني للماء الصالح للشر
ادن فين مشات الباء المكتب هو مكتب وطني نسبة الى الوطن والوطن لا يحب الشر الى المواطنين بل يحب لهم الخير.ادن السبب مشي فالمكتب
اه عرفت السبب علاش كيتقطع الماء حيت الباء مكيناش سرقوها أو بعوها ضروري ترجع الباء باش يرجع الماء فبدأ يصرخ صالح أين الباءمن سرقها واعباد الله لكيعرف فين هي الباء يرجع لبلاصتا باش تكمل الجملة و دجع المكتب الوطني للماء الصالح للشرب وليس للشر صالح مصر على ان المكتب الوطني هو بريء من انقطاع الماء عن قريتة ويحمل المسؤولية لحرف الباء لان الباء مكيناش ويدا كانت مغديشي يتقطع الماء ابدا لكن صالح كلس وتكيف واحد الكارو ورتاح وبد كيفكر وقال علاش اتا كنحمل المسؤولية الباء وعلاش ميكنش الحرف بريء ادا شفنا هي كلمة براءة كتبدا بحرف الباء ادن الحرف بريء المشكل هو شكون حيد الباء من بلاصتا وما هو مصير حرف الباء هل باعوه وقسمو فلوسو يمكن يمكن بقي عندم ومبغيينش يلصقوه بغيين يخليو الشر بين المكتب و السكان يمكن يمكن كيحتاجواه هما راسوم يمكن حيت هو حرف مزيون وعجبوم هدا شيواحد مزوق به دارو يمكن
لصالح كره المكتب الوطني للماء الصالح للشرب و المكتب الوطني للكهرباء كرها شديدا لحد ان لا يتحمل سماع هدين الاسماء
صالح بدأ يتغير شيأ فشيأ صالح لم يعد يشاهد تلفزيون صاحب الصورة فقط بل يشاهدالقنوات العالمية متل CNNو BBC والجزيرة لكن في أحد الأيام
شاهد في احدى التلفزات العالمية صديق عزيز عليه يستشهد بهروات الأمن بعد خروجه في مظاهرة مطالبة "بالخبز"وهوأيضا كان قد بات جائعا بالأمس!!!!
صالح حزين لأنه سمع أخبارا تقول بأن صاحب الصور سيورث كل " إطارات" صوره لابنه البكر، ليضع صوره عليها بعد أن يأخذ "رب العالمين أمانته"، ويشيع إلى مثواه الأخير "مغفورا له بإذن الله"..

و سي bilalito عنديك اتلفولك نوامر ادا قراو هدشي نت عارف فين عايش فبلاد ديال ديمقراطية أو حرية كما كيقول مول صورة أو كنحييك على هدشي لكتبتي أو لمعنى وصل

وفهم المعنى يا الفاهم . المعنى كبيرة

هههههه المكتب الوطني للشر
فرشتيها اسي بلاليتو

سلام اسي bilalito رد بالك مزيا المعنى قريبة دوصل لمول الصورة عندك يعتقلوك ويعملوليك بحال "احمد السنوسي"

ههههههههههه
ايدا درولو بحال السنوسي مزيان، ساعا المغاربا كاملين ايطلعو لفرنسا .
المشكلة هيا ادا دارولو بحال المهدي بن بركة او زيد او زيد ...
تحياتي لك اخي بلاليتو

لشر وشمن شر ولكن علاش بالضبط صالح

سلام الاخ bilalito انا معك يا اخي نحن من حقنا ان نطالب بجميع الحروف الضرورية التي نهبوها اصحاب الحال من مكانها الى مكان خاص بهم

اش جاب شي لشي اسي .وكرد على جرأتك المبالغ فيها اهديك هده القصيدة لعلها تجعلك تقف على حقيقة الواقع المعاش في بلدتك .
زار الرئيس المؤتمن ْ
بعض ولايات الوطن ْ
وحينَ زارَ حيّنا
قال لنا :
هاتوا شكواكم بصدقٍ في العَلَن ْ
ولاتخافوا احداً .. فقد مضى ذاك الزمن ْ
فقال َ صاحبي " بلاليتو ْ ":
يا سيَّدي
اينَ الرغيفُ اللبن ْ ؟
وأين تـامينُ السكن ْ ؟
واينَ توفيرُ المهن ْ ؟
وأين مَـن ْ
يوَفِّرُ الدواء للفقير دونما ثمنْ ؟
يا سيدي
لم نرَ من ذلك شيئاً ابداً .
قال الرئيس في حَزنْ
احرق ربي جسدي
اكلُّ هذا حاصلٌ في بلدي ؟!!!
شكراً على صُدْقِكَ في تنبيهنا يا ولدي
سوف ترى الخيرَ غدا ً .
* * *
وبعد عامْ زارنا .
ومرة ثانية ً قال لنا :
هاتوا شكواكم بصدقٍ في العَلَن ْ
ولاتخافوا احداً ..
فقد مضى ذاك الزمن ْ
لم يشتك ِ الناس ُ !
فقمتُ معلناً

اينَ الرغيفُ اللبن ْ ؟
وأين تامينُ السكن ْ ؟
واينَ توفيرُ المهن ْ ؟
وأين مَـن ْ
يوَفِّرُ الدواء للفقير دونما ثمنْ ؟
معذرةٌ يا سيدي
... واين صاحبي " بلاليتو " ؟!

مشكورةالأخamir13 على القصيده الرائعة

للأسف هذا حالنا في اغلب البلدان العربية

وهذا سبب تخلفنا عن ركب الحضارة والتقدم

لان كبت الحريات من اكبر اسباب قتل الابداع والتطور

تحياتي لكم

للاسف اخي بلاليتو لم تعرف ما قصدته فهدا ناتج عن قصور في المتامل لا عن غموض في المقال فالنقطة المحورية التي تدور حولها القصيدة هي اصلا القمع الدي يتعرض له مطالبي الحرية والعدالة الاجتماعية وكخلاصة اقول هناك ضرورات نظم وخيارات امة

على أي

على أي غادجيبا في راسك أديتي مول الما و المعلمين ومن عراف شكون أخر

الحقيقة مورة .
هدا هو حال و واقع صالح . وكم هم كثيرون من الصلحاء.

في هده البلاد العزيزة علينا والتعيسة في نفس الوقت.

تكررت الانقطاعات في الماء والكهرباء، وقام "صالح" باعمال كثيرة من اجل المطالبة بالماء والكهرباء، فكان مصيره أن فرض عليه العيش في الغيس كل الشوارع مغيسة وهذا تقريبا نفس مصير صديقي "حسن" في قصيدة احمد مطر. فاستبد بي الحنين لمعرفة طفولة وتاريخ صالح فسألت صديقا قديما أن يحكي لي قصته، فأخبرني ان شخصا أخبره أن:

صالح عندما كان طفلا صغيرا ملي سمع بأن حب الأوطان من الايمان عجباتو وبقى كيقولا بزاف لكن من بعد قالوا ليه بأن حب الأوطان كتعني حب الصورة .. صالح مفهمش المعنى فأحب كل الصور بدون استتناء :

الصورديال صاحب الصورة وهو كيدشن الطريق الرابطة من كدا الى كدا
الصور ديالو وهو كيركب الخيل
الصور ديالو وهو كيعطي انطلاقة موسم الحرث
الصور ديالو وهوكيفتتح مواسم الحصاد
الصور ديالو وهو كيدبح الحولي دلعيد الكبير
الصور ديالو وهو فالمطار غدي يدرب شي دورا المريكان ...

لكن صالح كبر شويا وقتنع بأنه ميمكنلوشي يشري حتى حلوة صغيرة من عند مول البراكة اللي مع لمدراسة ديالوم بلا ميكون عندو فجيبوا صاحب الصورة

وميكنلوشي يسمع الاخبار بلا ما يتدكر صاحب الصورة والانجازات ديالو...

هنا صالح بق كيقول مع بالو واش صاحب الصورة شخص سرمدي..كجبل سيدينا نوح

واللي زاد رونلو عقلو هوا انه معمرو سمع في الأخبار بأن صاحب الصورة مشا المرحاض كيف موقعلو هو.

ونهار ناض صالح فالصباح مشا المرحاض قضى حجتو فتح الماء مجبروش باللغة العربية انقطاع الماء الصالح

للشرب فديك اللحظة صالح مكنش خصو يشرب ولكن كان خصو غي...

على أي ومعمرو سمع كدلك أن صاحب الصورة دخل المستشفى

وحد نهار كيقرا صالح فواحد الجريدة دالمعارضة، هو مبلي بالجرائد، كيقرا أن صاحب الصورة دخل المستشفى

صاحب الصورة دخل إلى المستشفى؟؟..ميمكنش !!

وبما أن صالح كيحب الوطن ديالو، قطع الجريدة، وحلف حتى يقتل هدا اللي كتب هاد المقال الكاذب اذا جبرو


وكأي طفل تعلم صالح كيفاش يكون مواطن ظريف على داكشي صبح مدمن على مشاهدة تلفزيون صاحب الصور..

صالح فرحان اليوما لأنه سمع من مقدم النشرة دالصباح بان صاحب الصور بألف خير، وان من نشر خبر مرضه ودخوله المستشفى كداب وهو من العلوج كما كان كيقول الصحاف.

لكن صديقي اخبرني أن هذه القصة وقعت لشخص في السعودية وليس في المغرب

لكن صالح تعقد من شوارع صاحب.................

صالح عندما كان طفلا صغيرا هو وصديقه حمو بناحية ايت عبدي التابعة للتراب الملالي .
حيتاش الثلج كان تماك بزاف ... قالولي مساكن ماجبرو للي يحميهوم منو ...
وتماك حمو اسمح فصالح ... مسكين صالح كان كايبغي بلادو ... ساعا بلادو فيها الثلج بزاف.

تحية لصالح
ومازال لصالح مشكل مع المكتب الوطني للكهرباء والمكتب الوطني للماء ولطالح حكايات أخرى ساحكيها لكم في الايام القليلة المقبلة .

نحن في انتظار حكايات "صالح & صاحب الصورة"