مغامرات حمرون في فينكة عمي العربي

هادا واحد المدريدي، عفوا واحد الحمار، دخل لواحد الفينكة (الضيعة او المزرعة) وبدا كيدرب مع راسو في الخيار والزراع والشعير وخيزو، مول الفينكة حرافت ليه كيفاش يدير يجري على هاد الحمار.

كيف سيُـخرج الحمار؟؟

سؤال سياسي محير ؟؟؟
ما هي الخطوات العملية التي يجب اتباعها؟؟
والبرنامج السياسي الذي يجب التعاطي معه؟
أي خيار يمكن استخدامه، الكفاح المسلح؟ أم العصيان المدني؟

المهم رجع مول الفينكة للدار، وخرج الماتريال دالخدمة، القضية لا تحتمل التأخير
جاب واحد الخشبة طويلة، ومطرقة وشي مسامر كبارين واحد الطرف د الكارتون كبير

كتب على الكرتون

يا حمار أخرج من مزرعتي

ولصقها على داك الخشبة، بالمطرقة والمسمار

ومشى للبلاصة اللي كيرعى فيها داك الحمار، وعلا داك اللافتة من الصبح حتى غربت القايلة

لكن الحمار ما مشاش، مشكلة هادي، اش غادي يدير مع هاد الحمار
ربما لم يفهم الحمار ما كتبتُ على اللافتة


رجع مول الفينكة للدار وضرب يماها بواحد النعسا


والى اللقاء في حلقة قادمة مع مسلسل مغامرات الحمار الديبلوماسي

مرحبا بكم مرة أخرى في حلقة أخرى من المسلسل الشيق "مغامرات الحمار الديبلوماسي"

في هذه الحلقة ستشاهدون كيف تصرف سكان القرية مع الحمار الذي استولى على الفينكة، مباشرة بعد فاصل قصير، ابقوا معنا لا تذهبوا بعيدا. تن تراران تن تن






في الصباح التالي، مول الفينكة دار بزاف ديال اللافتات، وعيط على ولادو والجيران واصحابو، المهم الناس د القرية جا ومعاه كلهم، أو بعبارة أخرى "عقد مؤتمر القمة"


الناس دارو واحد الصف طويل، كل واحد فيهم هاز فيدو لافتة، مكتوب فيها:


ومشاو في مظاهرة حتى للبلاصة فين كيرعى الحمار، وبداو كيرفعوا الشعارات

اخرج يا حمار. اخرج أحسن لك

والحمار حمار، كيرعى مع راسو وكاع ماداها فيهم، النهار كلو وهما كيغوتو ويحيحو ووالو حتر غربت القايلة مر ة اخرى، ومنين عياو بالغوات والحمار كاع ما داها فيهم، رجعوا فحالهم لديورهم وهما كيفكرو فشي طريقة جديدة للنهار الثالث

فكر مول الفينكة مزيان شني غادي يدير مع هاد الحمار، بغى يصنع شي حاجة واعرة باش يخرج الحمار من الفينكة ديالو، حيت الزرع علاين يتسالا.

مول الفينكة راجل عبقري ومخترع، صوب واحد النموذج ديال الحمار من اللوح والكارتون كيشباه للحمار الاصلي

ومشى للبلاصة اللي معربط فيها الحمار، وبقى كيغوت حتى شاف فيه الحمار وكان الناس د القبيلة كلهم معاه .



مول الفينكة كب ليسانس على النموذج د الحمار واعطاه العافية.

فكبر الحشد الله اكبر
الفينكة عربية فليسقط حمار الامبريالية

نظر الحمار إلى حيث النار
ثم رجع يأكل في المزرعة بلا مبالاة
يا له من حمار عنيد
لا يفهم

بعد نقاش مستفيض بين اهالي القبيلة، أرسلوا وفدًا ليتفاوض مع الحمار
قالوا له:

مول الفينكة قالك خصك دخرج
وهو صاحب الحق هو مول الفينكة لهاذا خصك تخرج له من الفينكة ديالو


الحمار كيشوف فيهم وكيرجع ياكل مع راسو في الزرع، كاع ما كيديها فيهم

بعد عدة محاولات

سرد (أو سيفط) مول الفينكة سمسارا عفوا وسيطا آخر

قال للحمار: مول الفينكة مستعد يتنازلك على واحد الطرف من الارض ديالو

الحمار كياكل وكاع ما كيرد عليه

الثلث
الحمار ما كيردش

النص
الحمار ما كيردش

الحمار شعار الحزب الحاكم في امريكا

بصح ياك ما كتقصد هاد السيد هادا؟

على كل حال نبقاو مع القصة ديالنا

---------------------------------------

داك الوسيط حرافتلو مع الحمار وفي الاخير اعطاه واحد الاقتراح غير متوقع، قال للحمار

حدد المساحة اللي خصك من الفينكة، لكن ما تفوتهاش.

الحمار كان شبع ما الماكلة مع القايلة والدبان بغى يمرغط، مشى لواحد البلاصة فيها الغبرة وهو يدير هاد الحركة





فرحوا الناس د القبيلة كلهم

لقد وافق الحمار أخيراً

مول الفينكة جاب العواد والخيوط وقسم الفينكة على 2.
وخلى الحمار فداك النص اللي كان كيمرغط فيه

وغدا في الصباح....


حتى لغدا في الصبح ونقولكم.

مشكور السي سعيد على هاد المسلسل والله حسن من سنوات الضياع او مهند

ولكن أش كتسال لديك الحمار مسكين أخاي سعيد

الثائرالمارد كتب:

مشكور السي سعيد على هاد المسلسل والله حسن من سنوات الضياع او مهند

-هههههههههههههههههههههههههههه

صباح الخير بعداك

شكرا على تتبعكم لمسلسلنا الشيق مع مغامرات حمرون في فينكة عمّي العربي.
قبل بداية الحلقة يسرنا ان نذكر مشاهدينا الكرام بأحداث الحلقات السابقة
لقد اقتحم حمار مزرعة عمّي العربي ولم يخرج منها ولم يستطع عمّي العربي طرده منها وقد وفي الاخير وجد حلا اذ قبل تقسيم الفينكة مع الحمار حسب اتفاقيات كامب ديفيد العاشرة.

في هذه الحلقة، هل سيظل هذا الاتفاق ساري المفعول، لا تذهبو بعيدا فاصل اخباري قصير ونعود معكم.

هاد الصبح منين ناض مول الفينكة ومشى يشوف كيف دايلا الحمار في النص اللي عطاهلو

كانت هناك مفاجئة في انتظاره.

الحمار اسمح في النص اللي خلاه فيه مول الفينكة في الليل، ومشى للنص آخر وجلس يرعى مع راسو
ولايني مشكلة هادي
ورجع خانا في الله، مرة أخرى إلى اللافتات والشعارات وجمع الناس د القبيلة عاود والمظاهرات

والو الحمار كاع ما كيفهم، حيتاش ماشي من الحمير د المنطقة 100 في 100 جا مشي قرية اخرى

كان مول الفينكة ينظر الى الحمار بحزن فالتفت اليه الحمار ودار فيه هاد التفرنيسة.

كيجي لحمار واعر فالصور

أ واعر هد الفوتو أخاي سعيد دكرنا بديك الأيام د أبي جحش المزركش

مول الفينكة، عمي العربي، منين حرافتلوا مع الحمار، بدا يفكر يخلي الفينكة كاملة لهاد الحمار

مع جات هي هاديك قطعوا الكيف ما بقى ما يدار أصلا، غير يمشي يفتش فشي بلاد أخرى ويدير شي فينكة وصافي

كانوا الناس د القبيلة كلهم مجموعين كيتفرجو على الحمار اللي فات النص ديالو ومشى كياكل في الحق د عمي العربي ويشاركوا في المحاولات اليائسة باش يخرجوا هاد الحمار المحتل العنيد النتكبر المتسلط المؤذي.

وأمام دهشة جميع الحاضرين. ناض واحد العايل صغير من وسط الجماعة ودخل للفينكة ومشى لعند الحمار

نقز فوق ظهر الحمار وضربو بواحد العاود للعنق، واذا بالحمار كيشبرها بالتفرتيح وهو كينهق

مرحبا بكم مرة اخرى في الحلقة الاخيرة من المسلسل الشيق مغامرات حمرون في فينكة عمي العربي، لقد لاحظتم بالتاكيد تغير عناوين مسلسلنا من حلقة لاخرى، وذلك لان الممثلين وخصوصا الفنان القدير "الحمار" كان يصر دائما على تغيير العنوان ونحن بطبعنا رضخنا بكل اريحية لاختياراته السديدة والموفقة.

بعد هذا التمهيد الضروري استجابة للاوامر المولوية للسيد المفدى الحمار نترككم مع الحلقة الاخيرة بعد فاصل اشهاري قصير.

تبلطت العينين د الناس د القبيلة منين شافو بأن الحمار كان خصو غير واحد السيطة ويتهناو منو، لكن ما توقعوشي [ان هاد الحل غادي يجي من عند درّي صغير، وقالوا بصوت واحد

الله على فضيحة هادي، فضحنا هاد العايل، وغادي يبقاو القبايل كيضحكوا علينا، حيت اقسمنا الفينكة مع الحمار

شني دارو، قتلوا داك العايل الصغير ورجّعوا الحمار للفينكة وقالوا للناس في السوق بأن داك العايل سقط شهيدا لكرامة القبيلة


عاش حكام القبيلة ديانا

وها هو البطل المغوار حيمور متربعا على فينكة اسلافه المنعمين

حقا انها نهاية شيقة ومحزنة في نفس الوقت
ولكن اطلب منك ان تشرح لنا ماذا تعني الفينكة

اعتقد ان الكاتب يقصد بالفينكة هي الضيعة او المزرعة، الفينكة تقال باللغة الدارجة.

واضن ان القصة تشمل بعض الرمزية حول القضية الفلسطينية، حسب ما فهمت، التقسيم وما الى ذلك والرضوخ في الاخير لاختيارات السي الحمار

عاش الحمار و مات الولد و استغرب الجمهور العربي